Download Free Apps & Games @ PHONEKY.com
Download Free Apps & Games @ PHONEKY.com
Subject: *******TANZ O MAZAH*****
Replies: 1004 Views: 33527
xxkamixx 11.04.10 - 01:44am
lee jiay janab bohat sochne ke badh aik idea zehan mein aaya hay . her topic mein sher o shairy or uss se milte julte mazameen hein . mu ka maza tabdeel kerne ka aik bahana bil akhir hum ne nikal hi dala. apko tanz o mazah mein khush amdeed ! agay jo chahay aap ka husn e karishma saaz kere . *
xxkamixx 11.04.10 - 01:49am
ibtda zahir hay mujh hi ko kerni hay . to chliay is group ke shairana mahol se hi kiay dete hein. yaad rahe ke jab bhi aap yaha kuch post kerna chahein to iss baat ka khayal rahe ke apki tehreer se kisi ki tazheeq na ho . tanz ho ya mazah . shukria . *
xxkamixx 11.04.10 - 02:00am
humare is group mein ye dekhne mein ayaa hay ke idher aashiq kam or shaayr ziada paay jate hein. amooman be rozgaar hote hein . part time ishq se poora time pas kerte hein. ishq ki ye tir_chi teh_di seediyaan chadte chadte jab, ranjhe ya majnoo ke anjaam ke qareeb pohanch jate hein to taraqi ker ke shair ban jate hein. or alaah ke fazal se inn ki shairy amoomann be wazan hone ke bawajood kilogramo mein , nafees sweat house ki mithaai ki tara , be tahasha bikti hay. lekin ye bhi dekha gaya hay ke aise shair akser nokri ya chokri mill jane ke badh aik dham se ghaib ho jate hein . or adhab ko bakhsh dete hein. ho sake to aap bhi mejhe bakhsh di jaye ga ager kisi din mein bhi isi tara gaib ho gaya to . shukria !! *
swtshona 11.04.10 - 05:36am
sahi kaha kamix ap ne etnay dhair saray poetry kay topics ban chukay
hain,group ke title se
related,mazameen kam dekhai dete hain
bahar haal achchii shuruaat hai ham bhi kuch share kiaye dete hain. *
swtshona 11.04.10 - 05:37am
Bacha: Ami jab koi mehman ata hay to ap us kay agay char panch rotiyan q rakhti han jab k koi bhee mehman 3 rotiyon say ziada nahee khata ? Mann: Beta mehman khata to 3 hee hay lakin baki rotiyan apnay gher ki izzat k liay rakhi jati han. chand din bad aik mehman us k gher Apohancha hasb.e.riwayat khana us k agay rakha geya to mehman kuch ziada he bhooka tha to us nay teeseri roti k bad jasay he chothi roti ki teraf hath berhaya bacha cheekh pera ..Ammmaa aj apnay gher ki izzat gaee. *
swtshona 11.04.10 - 05:41am
mazhab ki khoobian osse qail na karsakein,
bus aik hi asool par qurban hogaya,
joon hi sunna keh chaar bhi jaiyz hain biwiyaan,
foran wo kalima pardh kar musalman hogay.(jafar rizwi) *
mishall 11.04.10 - 08:10am
WA WA KIA BAT HAI KIA KHOOBSURAT TEHREERAIN HAIN. *
ajnabii 11.04.10 - 01:42pm
kamran bhai itna payara topic shuru karne pe...
*
ajnabii 11.04.10 - 01:42pm
.
*
ajnabii 11.04.10 - 01:44pm
*
ajnabii 11.04.10 - 01:45pm
,
*
jazzy007 11.04.10 - 04:31pm
very nyc exlnt bro AJNABI *
jazzy007 11.04.10 - 04:35pm
AGLI BAR JO IPL MAI na KHELANE KA FAISLA KRO TO SOCH LAINA FARAZ
~
~
~
~
~
~
K SHEIKH RASHEED KI ABI 1 SHADI B NAI HOE
*
jazzy007 11.04.10 - 04:38pm
Its only 4 FUN plz dnt take it serous n dnt mind it plz funtopic ok @all *
xxkamixx 11.04.10 - 08:32pm
wah . khob ronaq lugi hay idher bhai . bohat khoob ! thank you sona ap ki sweat post padh ke bohat maza aaya . mishal apka bhi shukria !. aik baat to mein kahunga ke bache man ke sache hote hein . aisa hi aik waqia mere sath bhi paish aa chuka hay . mein apne aik aziz ke ghar gaya . unn ke ghar mein bachpan se nahi gaya tha lekin ye pata tha ke ye humare rishtadaar hein . aik din pata nahi kia soojhi mein east midland (uk) se guzer raha tha , socha inn se millta chalu,n .jab unke ghar gaya to aik za_eef si khatoon jinko hum khala jaan kaha kerte they, wo ghar pe thien or unki nanhi munhi poti. hal ehwal or ehle khana ke bare mein jab khala jaan pooch gach ker chuki to mein ne ijazat chahi . khala jaan kehne lugi beta tum pehli baar aye ho mein tumko aise nahi jaane doon gi . bade pyaar or murawat se wo apne kitchen se kuch phal laye aaien . or chandh taza taza aam or saib kat ke mere agay rakh diay . mein ne az rah e murawat aik adh saib laye lia . lekin bohat jee kia ke aik adh aam ka tukda bhi ager ho jay to koi haraj nahi . abhi mein ne aam ki taraf haath hi badaya tha ke nanhi muni Hira ne jhapt ke mera hath pakad liya . or kaha ......nahi nahi inko hath mat lugana ye mere liay hein. kahla jaan or mein kafi dair iss baat pe hanste rahay. abh mein jab bhi unke ghar jata hoon to hira ke liay aam zaroor le ker jata hoon. *
ajnabii 11.04.10 - 08:41pm
bohat ache kamran bhai sach tu ye hai u.k. main rehte hooye bhi adab se etna lagao or itnaa ilam mashallah tabarakallah qabil tehseen hai,group ke title ko dekhte hoaye tu asal rooh e ravaan aap ho,bohat shukria apke time or tamam posts ka... *
xxkamixx 11.04.10 - 08:47pm
ajnabi bhi aap to kamal hi ker dete ho . idher kisi mozu pe baat hui nahi or aap ke hi tech computer se koi shahkar baramadh ho jata hay . apka bohat shukria . *
xxkamixx 11.04.10 - 08:51pm
thank you ajnabi bhai . aik baar phir apki zerer nawazi ka shukria. *
xxkamixx 11.04.10 - 08:55pm
or jazzy !!!! from mir pur . tumein to mein thank you nahi keh sakta . kiun ke tum mir pur se ho , or mein bhi mir puria hoon. or mir puriay kabhi apne GARAAIEE,N ko thank you nahi kehte na hi kisi GARAEEN ka thank you qabool kerte hein....... garaieen zinda baad .lol *
mishall 12.04.10 - 12:23pm
well!!nice post guys thanks. *
xxkamixx 16.04.10 - 09:14pm
GADH GAADI BY YUNAS BUT *
xxkamixx 16.04.10 - 09:22pm
gadhe do kisam ke hote hein , do taango,n wale or chaar tango,n wale . aaj tak humare haan gadhe se koi kaam nahi liya gaya . sirf doosro,n ko gaaliyaa,n dene ke kaam aata hay. shaadi per bhi hum ghodo,n per baithte hein . gadhe per iss liay nahi baithte ke ladki waalo.n ko dollha pehchanne mein dushwaari na ho .
aik mashoor sahaafi ke ghar jo tasveer lugi hay iss mein mosoof gadhe per baithe huay hein or unn ki bachiyaa,n her aane jane wale ko batati hein ke , inn mein jo ooper baithe huay hein wo humaare abbu hein.
gadhe ki aik khobi ye bhi hay ke bees saal badh bhi bolein to dhanchu dhanchu hi kerein gaye or ye wo duniyaa,n ki kisi zuban mein bhi ker sakte hein. *
xxkamixx 16.04.10 - 09:36pm
YE NA THI HUMARI QISMAT KE WISAAL E YAAR HOTA ! *
xxkamixx 16.04.10 - 10:33pm
Razia humari tawaqo se bhi ziada haseen nikli or haseen hi nahi kai fitna ger qadh o gaisu tha .
humare hath se initiative pehli nazer per hi mehsoos hua ke nikal ker fareeq e mukhlif ke pas chala gaya. yahi waja thi ke pehla sawaal bhi uder hi se aaya.
to aap hein humare naay navaile tuter?
abh iss shokh sawaal ka jawab to ye tha ke to aap hein humari nai navaili irdh !
lekin sach baat hay ke husan ki sarkar mein humari shokhi aik lamha ke liay maandh pad gai, jawaab nikla
ji haan , naya to hoon tuter nahi hoon . molvi saab ki jaga aaya hoon
is se aap ki tuteri mein kia faraq padta hay ?
yahi ke aarzi hoon
to aarzi tuter sab humein zara iss museebat se nijaat dila dein
razia ka ishara dewaan e ghalib ki taraf tha , mein ne qadhre mutaajub ho ker poocha .
aap deewan e ghalib ko museebat kehti hein ?
ji haan , or khud ghalib
mein pooch sakta hoon ke ghalib per ye ataab kiun ?
aap zara asaan urdu boliay . ataab kise kehte hein ?
ataab gusse klo kehte hein
gussa? . haan gussa iss liay ke ghalib sab ka likha to shaid wo khud bhi na samj sakte hoon . phir khuda jaane poora deewaan kiun likh mara ?
iss liay ke log pdh ker lazat or saroor mehsoos ker sakein
nahi janab iss liay ke her saal ladkiyaa,n urdu mein fail ho sakein
mohterma !! meri dilchaspi faqat aik ladki mein hay , farmaaiye aap ka sabaq kis ghazal pe hay ?
jawaab mein razia ne aik gazal pe ungli rakhi lekin muh se kuch na boli . mein ne dekha to gahlib ki mashhoor thi
ye na thi humari qismat ke wisaal e yaar hota
mein ne kaha
ye to badi la jawaab ghazal hay. zara pdhiaye to ?
mera khayal hay aap hi padein , mere padne se iss ki lajawabi pe koi nagawaar aser na pade
mujhe mehoos hua ke walait ki padi hui razia baatooni bhi hay or zaheen bhoi , lekin urdu padne mein ghalibann anaadi hay .
mein ne kaha :
mere padne se aapka koi bhala nahi ho ga , aap hi padien ke talafazz bhi thaak ho jaay ga
razia ne padna shuru kia to sach much jese pehli jamat ka bacha padta hay.
ye na thi humari qiss mat ke vissal .......
Mein ne toka
ye vissal nahi vissaal hay ! vissal to seetee ko kehte hein
razia ne humein sawalia nazero,n se dekha . hum zara muskuray or humara eitmad bahaal hua .
razia boli :
acha vissaal sahi, vissaal ke kia maani hote hein ?
vissaal ke mani hote hein mulaqat . meh se mulaqat . aap phir missra padein .
razia ne dobara missra pada . pehle se zara behter tha mager vissaal or yaar ko izaafat ke baghair alug alug pada . dermiyaan mein izafat hay !
izaafat kia hoti hay ?
ye jo choti si zair nazer aa rahi hayna aap ko , issi ko izafat kehte hein
to seedhe seedhe vissaaleyaar kiun nahi likh dete
iss laiy ke ke wo ullma ke nazdeek ghalat hay.......hum ne kisi qader roob se kaha
ullma ka vissaal se kia taluq hay ?
ullma ka taluq vissal se nahi zair se hay !
acha jane dein ullma ko . matlab kia hua ?
shaair ye kehta hay ke meri qismat mein nahi tha ke yaar se vissal hota
qissmat ko to ghlib sab dermiyaan mein toun hi ghaseet laye, matlab ye hay ke be chare ko vissaal naseeb nahi hua
ji haan , aisi hi baat thi
kia waja thi
mein kia keh sakta hoon
kiun aap tuter nahi hein kia ?
shaair khudh khamosh hay !
to shaair ne waja nahi bataai mager ye khush khaberii suna di ke wo vissaal mein fail ho gaye ?
ji haan , filhaal to yahi hay , aage padein !
razia ne agla missra . zara atak atak ker mager sahii pada . ager or jeete rehte yahi intezaar hota
mein ne razia ki dill joi ki khater zara serparastaana andaaz mein kaha : shabaash ! aap ne bohat acha pada !
iss shabaash ko to badh mein frame kerungi . iss wakt zara shar ke poore maani bata dein !
hum ne razia ka tanz berdasht kerte huay kaha :
matab saaf zahir hay . ghalib kehta hay ke meh se vissaal qismat mein likha hi na tha . chunacnche abh moat qareeb hay mager jeete bhi rehte to vissaal ke intezar mein umer kat jati
ye ghlib itne hi gaye guzre lack of confidance ke malik thaye ? allah toba !
gaye guzraye ? nahi to ....ghlib aik azeem shaair thaye !
shaair to jase thaye so thaye , lekin mohabat ke mamala mein gisyaare hi niklay !
BY CARNAL MOHAMAD KHAN. *
mishall 17.04.10 - 09:02am
shandar kami bhaiya par salees urdu likha karain na plz lol. *
mishall 17.04.10 - 09:04am
mere pass kuch urdu mazah se related
pages hain jo mai ne kisi site se copy kiye hain
plz tell me how to share them over here
i don't know. *
maida21 17.04.10 - 01:53pm
bhat hi umdha tehreer hai or sahi maano main khobsurat urdu ki akasi karti tehreer thanks for the sharing kamix bhai. *
rahiba 17.04.10 - 02:52pm
WAA WAH KIA KHOOBSURAT URDU OR NAFEES TARZ-E-KALAM
MAZA AGAY KAMIX BHAI.BAHUT SHUKRA. *
rahiba 17.04.10 - 02:54pm
HAMARE WATAN KE SAYASAT DANO PE AIK NAZM.
Ae Watan k Sajeele Syasta dano
Sare Raqbe Tumhare Liye Hain
Kothiyon Ke Talabgar Ho Tum
Platoon Ke Paristar Ho Tum
OO zalalat ki Zinda Misalo
Tum Hi Se Qaim Budjet Ka Khasara
Sare Funds Tumhare Liye hain
O Pak Watan Ke Gadaro
OO America Ke Wafadaro
Dunya Ki Tamam Laanaten Tumahre Liye hain *
ur_love 17.04.10 - 03:02pm
Ye Watan Pe Apni Jan Kia Denge
-
Ye Log Waqt Pe Imtehan Kia Denge
-
Jo Khud Ghulam Ho America K
-
Wo Roti Kapra Makan Kia Denge.! 
*
xxkamixx 17.04.10 - 10:20pm
mishal raiba maida . thanks *
xxkamixx 17.04.10 - 10:21pm
ur love bohat ache *
azankhan 17.04.10 - 10:26pm
superb!! *
xxkamixx 17.04.10 - 10:42pm
thans khan *
xxkamixx 17.04.10 - 10:46pm
aik ladka or ladki mohabat kerte thaye lekin unn ke ghar waale unnki shaadi per aamada nahi ho rahe thay . tang aaker dono ne khudkushi ka irada kia . or aik pahaad pe chale gaye .
ladke ne pehle chalaang lugaai . ladki ne usse neeche jate dekha to aankhein bandh ker ke ye kehte huay wapas chal di ke :
pyaar andha hota hay !
ladke ne perashoot kholi or bola :
pyaar kabhi nahi merta ! *
xxkamixx 17.04.10 - 11:45pm
AMMA JEERAAN KI BADH DUA_ein
iss mein koi shak nahi ke amma jeeraan aik universal truth hay. siyasat ka jitna usse pata hay itna to shaid siyasat ko khud bhi nahi pata ho ga ....amma jeeraan ki do hi cheeaein mashhoor hein . pehli cheez hay badh dua !! or doosri bhi yahi hay !
amma badh dua specialist hay . aisi badh dua mangti hay ke arsh ko bhi mukhammase mein daal deti hein. amma ki badh dua ki waja se bohat se log kefar e kirdar tak pohanch chuke hein.
suna hay amma ki zuban bachpan se hi kali hay. itni ziada ke bachpan mein aik dafa amma ke baap ne usse zor se thapad mara . amma ne rote huay badh dua ki ke : allha kere humara abba mer jaay . aglay hi roz sath wala humsaaya mer gaya.
mein amma ki badh duaaon ka bohat qaail hoon kiun ke mein ne amma ki bdh duaaon ko apni aankhon ke saamne rang laate huay dekha hay, abhi pichle dino amma ne muhalay ki aik ladki ko doraan e ladaai badh duaa di : allah kere tu kisi ghattya sharabi or juaari se beyahi jaay !
suna hay do hi din baadh ladki ke liay qomi cricket team se aik khiladi ka rishta aa gaya.
jab tak amma ke dill se poori tara nikal na jaay amma badh dua nahi deti . uss ka kehna hay ke badh dua ke liay nafrat pehli shart hay or nafrat bhi wo jo khaloos e dil se ki jaye . Iraq per Amarica ki bomb bari ke roz se amma mujh se musal sal rabte mein hay . roz taza soorat e haal poochti hay or mein roz usse batata hoon ke amma aal america ne ne baghdad per 300 missile maare . aaj basra pe daisy cutter bomb mara gaya. aaj uum qaseer mein ladaai jari hay .
amma bade ghor se ye khaberein suunti hay, kal uss ne issi tarah jang ki taza soorat e haal sunne ke badh aik hunkara bhara, or ainak darust kerte huay mujh se kaha !
: ye bata ye america acha ker raha hay ya bura ?:
mein ghabra gaya, or idher udher dekhte huay mohtaat lehjhe mein kaha :
sunn ! amma , ye to nahi pata ke kon acha ker raha hay ya bura , lekin iraq ke sath bura ho raha hay !
amma ne teekhi nazron se mujhe ghoora or saath pada hua jhaadu utha liya : abbe manhoos ! seedhi tara bata ke america acha ker raha hay ya bura ?!
meri jaan nikal gai .....mein ne jaldi se ghaghya ker kaha :
bab bab bura ker raha hay . bab bab bohat bura ker rer rer raha hay am am ameria !
amma ne kuch socha or jhaadu phaink ke jholi phaila lee, mein kaanp gaya ....ye amma ka khas style tha , or iska aik hi mathlab tha ke badh dua shuru hone waali hay.
mein ne jaldi se amma ke aagay hath jod diay....khuda ke liay mere waaste badh dua na kerna !......pap pap pehle hi 2 din se ulte seedhe khwab aa rahe hein .......
amma ne jholi or phelaai or meri taraf dekh ke aankh maarte huay boli ye khasoosi badh dua tere liay nahi amrica ke liay hay !
badh dua arsh pe jaati hay aser laane ko !......
amma gungunaai or poore khuzu o khushu ke saath shuru ho gai :!!!!
allah kere americion ke tenko mein keede padein !
allah kere !....sader bush ke taalu mein chala nikle
allah kere .....amricee fojion ko bavaseer ho jaye
allah kere.....ramsfield ki aik or shaadi ho ...shaadi ki raat wo dhuln ka gunghat uthaaye aagye se sadam hussain nikal aaye .
allah kere....... bush pizta khaay or usee gohay ka sawaad aaye
allha kere.......kofi anaan ka naam be wakoofi anaan pad jayre
allah kere ......tomi franks ko yaad aa jaye ke uska baap kon hay
allha kere......sehraai bichhu amrici fojion ki pento mein ghuss ker ANNI pa dein
allha kere .......ghadho,n ki race ho CNN 1st aaye or BBC 2nd aaye .
sarkar ye badh duaaein sara ser amma jeeraan ki hein . ager inn mein se aik bhi qabool ho gai to kam az kam mein to amma jeeran ke hath per forann baith ker loon ga ! *
zeshan17 18.04.10 - 12:19am
*
mishall 18.04.10 - 01:08am
gadhay bbc,cnn,
kami jawab nahi apke intekhab ka really khubsoorat urdu hai,itni khubsoorat tehreer keliye apka shukria. *
maida21 18.04.10 - 01:53pm
1 pthan ne molvi se kch pucha molvi ne 2 thapar laga diya 1 admi ne pthan se pucha tmne kya bola molvi ko?
Pthan:ma ne srf pucha k valentine day ki nmaz kab ho ge.
*
maida21 18.04.10 - 01:54pm
Nikah k Time:
Molvi: Kisi ko is shadi pr itraaz to nhi?
Ek awaz Aaye: Muje hy.
Molvi: Chup kr jao tum
DULHA ho. *
maida21 18.04.10 - 01:55pm
Ek admi khali plate mein
Roti dubo dubo k kha rha tha
Waiter: Ye kya kr rhe ho?
Admi: Mein Mathematician hu
Me ne daal SUPPOSE ki hui hy. *
xxkamixx 18.04.10 - 02:37pm
ha ha maida . daal suppos ki hui hay . bohat khoob bhi bohat hi ache . *
aanchals 18.04.10 - 03:48pm maida keep sharing pl thanks. *
aanchals 21.04.10 - 10:46am
*
cascad18 21.04.10 - 11:05am
IBN E INSHA
CHALTAY HAIN TU CHEEN KO CHALAY ....
Hum kiya aur hamara jana kiya .jahaz may bethay aur zameen key tanabain kheench leen.
Androon e cheen bheeUdhan khatolay aur dhuwain key gadi say wasta raha..yah bhee koi sayahat hay .na sar may gird na paaon may aabla. Sayahat ka mansab tu Marco Polo ka tha ,Ibn e Batoota ka tha.saheebo _un dyno aik shakhs uthti jawani may ser o safar par nykalta tha tu wapsi par , agar wapsi hoti thi tu us kay potay us ka istaqbal kartay thay _baazon kay tu pahchannay walay bhee na myltay thay_ kam az kam Marco POlo kay sath tu yahi guzrii,aur jab us nay Europ kay aehd e tareek kay basiyon ko cheen key chaka chond key kahaniyan sunaein tu logo nay ussay dunya kay sab say baday jhutay ka khitab diya .... *
ajnabii 21.04.10 - 03:54pm
v nice post ancal te cascad ji keep sharing.
pls try to post singl lines thanks.., *
xxkamixx 21.04.10 - 07:19pm
thank you anchal . Mein to is paper mein baja tor pe fail hone ka haq mehfooz rakhta hoon . Lol . Or ajnabi bhai shuker ka kalma padho cascade ne post hi ker di . Itna hi kafi hay . Ye chidyon ka chamba bohat nazak mizaj wakia hua hay ap kahay ko taradad kerte ho . Likhne do bhai . Lol . Btw cascade it was a beutiful post . Thank u . . Very nice . *
rahiba 21.04.10 - 08:47pm
bahut hi umdaa share hay anchal cascad18
*
musarat 21.04.10 - 11:17pm
SUPERB GE AJ HAM BHI KUCH SHARE KIYE DETE HAIN. *
musarat 21.04.10 - 11:19pm
3 ki khareedari par aik bilkul mufth ,
Teacher: pay three brother's ' fee, get one tuition free,
Hair dresser: pay for three brother in one row, get one razor plain free,
Writer : pay for three books' writing, get one book writing free,
Beautician: pay for three brides' make-up, and get grand mother's make-up free,
Surgeon : bring three patients in one ambulance, get one surgery absolutely free,
Doctor : bring three sugar patients along, get your sugar treatment free,
Meat seller : buy three KG of cow bones, get one KG of meat free,
baqi ayinda,
kionkay ziyada hansna teek nahi hotha,hehehe
*
xxkamixx 22.04.10 - 03:03am
*
